پوهنې وزارت: د ښوونځيو له نوي نصابه عصري علوم نه دي لرې شوي

پوهنې وزارت په یوه خبرپاڼه کې ویلي، چې د ښوونځيو له نوي نصابه عصري علوم نه دي لرې شوي بلکې دغه علوم د افغانستان د ملي او اسلامي کلتور سره سم په کتابونو کې نغښتل شوي دي. په خبرپاڼه کې راغلي چې، د دیني مدرسو د ښوونیز نصاب په منځپانګه کې به هم د عصري علومو له وروستیو پرمختګونو کار واخیستل شي. تر دې وړاند د پوهنې وزارت ویاند، منصور احمد حمزه ویلي و چې، دغه وزارت د لومړنیو ښوونځیو له نصاب څخه هغه کتابونه لرې کړي چې له «اسلامي شعایر او افغاني کلتور» سره په ټکر کې وو.