پکتیا کې دیني عالمانو د نجونو د ښوونځیو پر پرانیستل کېدو ټینګار کړی

په پکتیا ولایت کې یو شمېر دیني عالمانو پرون د یوې اعلامیې په خپرولو سره له ا.ا څخه د نجونو د ښوونځیو د پرانیستل کېدو غوښتنه کړې ده. دوی له ا.ا څخه غوښتي چې د اسلامي اصولو په رڼا کې دې نجونو ته د زده کړو زمینه برابره او ښوونځي دې یې پر مخ پرانیزي. دوی ویلي چې زده کړې پر نر او ښځه دواړو باندې فرض دي او په دین کې د نجونو د زده کړو پر وړاندې هیڅ ډول خنډ نه شته نو ا.ا دې هم د افغانانو ځانګړې توګه د دیني عالمانو غوښتنې ته په پام ټول ښوونځي د نجونو پر مخ پرانیزي. د یادونې ده چې نړیوالو بنسټونو او هېوادونو هم له ا.ا څخه غوښتي چې د نجونو ښوونځي ژر تر ژره پرانیزي خو ا.ا ویلي چې د نجونو د ښوونځیو د خلاصون برخه کې د نړیوالې ټولنې فشار نه شي منلی.