د چين حکومت د سږ کال د جنورۍ له اتمې نېټې څخه د کرونا وبا د وقايې او ادارې تدبيرونه له ( د دوهمې کچې ساري ناروغۍ پر وړاندې د لومړۍ کچې تدبير) څخه ( د دوهمې کچې ساري ناروغۍ پر وړاندې د دوهمې کچې تدبير) ته تعديل کړي دي. د دغې نوې تګلارې تطبيق د کرونا وبا پر ضد د چين د درې کلنې مبارزې په مزل کې يو مهم اقدام دی او د دې ښودنه کوي، چې په چين کې د کرونا وبا د مخنيوي مبارزه نوي پړاو ته داخل شوې ده.
چين له تېرو درېيو کلونو راهيسې د خلکو د ژوند او روغتيا د ساتنې او د ټولنيز او اقتصادي پرمختګ د تضمين په موخه پر دې ټينګار کړی، چې د واقعي وضعيت د ارزونې پر بنسټ يې د کرونا وبا د واقيې او کنټرول تګلارې جوړې او اصلاح کړي. چين د کرونا وبا د چټک خپرېدو په موده کې د دغې وبا د مخنيوي لپاره جدي تدبيرونه غوره کړي، پنځه ځله يې د کردې نړۍ د کرونا وبا د بريدونو مخه نيولې، د واکسين او درملو د څېړنې او تطبيق او د طبي توکو او خدماتو د چمتوالي لپاره يې قيمتي وخت برابر کړی او پر کرونا وبا د اخته کېدنې انډول او د دغې وبا له امله د مړينې انډول يې ډېر ټيټ کړی دی. د چين حکومت د کرونا وبا پر وړاندې د درې کلنې مبارزې په بهير کې د خلکو ژوند او ګټو ته د لومړيتوب ورکولو پر مفکورې ټينګار کړی.
د چين حکومت په دغه هېواد کې د وضعيت د بدلونونو له مخې د کرونا وبا د وقايې او کنټرول تدبيرونه تعديل کړي او د دغې وبا د کنټرول په عين وخت کې يې اقتصادي ثبات او پرمختګ هم ساتلی. په ۲۰۲۰م کال کې د چين د کورنيو توليداتو عمومي ارزښت له سل زره ميليارډو يوانو څخه اوښتی او د وړم کال په پرتله ۲،۳ سلنه زياتوالی ښيي. دغه راز چين په همدې کال کې د نړۍ يوازېنی اقتصاد و، چې مثبت پرمختګ يې کړی. په ۲۰۲۱م کال کې د چين د کورنيو توليداتو عمومي ارزښت ۸،۴ سلنه زياتوالی ښيي، چې د زياتوالي انډول يې په تېرو لسو کلونو کې تر ټولو لوړ دی او د پيسو نړيوال صندوق تر اټکل او د چين د حکومت تر ټاکلې موخې ډېر ښه شوی دی. ډيجټلي اقتصاد د چين د اقتصادي پرمختګ عمده خوځنده قوت ګرځېدلی او د دغه هېواد د کورنيو توليداتو په عمومي ارزښت کې نژدې ۴۰ سلنه برخه نيولې ده. د اټکل له مخې، په ۲۰۲۲م کال کې د چين د کورنيو توليداتو عمومي ارزښت به تر ۱۲۰ زرو ميليارډو يوانو زيات وي. د چين اقتصادي احيا او پرمختګ به د نړيوالو اقتصاد د بيا سمسورتيا مهم انجين وګرځي.
نړيوالې ټولنې د چين د اقتصادي احيا او پر نړۍ د چين اقتصاد د مثبتو اغېزو په اړه د خوش بینۍ اټکل کړی . د امريکا سي ان ان (CNN) خبر ورکړ، چې چين د کرونا وبا د قايې او کنټرول تګلاره اصلاح کړې او د اقتصاد هڅوونکي تدبيرونه يې نيولي، د پیسو زياتو نړيوالو سازمانونو وړاندوینه کړې، چې د چين اقتصاد به په ۲۰۲۳م کال کې ثابت پرمختګ وکړی. (( والسټريټ جورڼال )) ورځپاڼې خبر ورکړی، چې په چين کې د کرونا وبا د وقايې او کنټرول د نوې تګلارې تطبيق به د مصارفو زياتوالی او اقتصادي پرمختګ وهڅوي، چې دا کار د نړيوال اقتصاد لپاره ډېر مهم دی.
په چين کې به په نږدې راتلونکې کې د پسرلني اختر رخصتي پيل شي او په دې موده کې به د کرونا وبا د کنټرول نوې تګلارې تر هڅونې لاندې د چينايانو د سفرونو څپه چټه شي. دې خبر پر اقتصادي بيا سمسورتيا د اسيا او ارام سمندر سيمې په تيره بيا د جنوب ختيځې اسيا د هېوادونو باور ټينګ کړی. د زياتو هېوادونو حکومتي ادارو او سيلانيزو ټولنو د چيني سيلانيانو د ورتګ هرکلی کړی.
د کرونا وبا د وقايې او کنټرول تګلارې د تعديل په رڼا کې به د چين اقتصاد د لوړ کيفيت پرمختګ وکړي او په ۲۰۲۳م کال کې به نړۍ ته لا زيات فرصتونه برابر کړي.
