د ۲۰۲۴م کال د کمربند او لارې د ګډې ابادۍ د تجارت او پانګونې فورم په دې وروستيو کې ترسره شو، چې د نړۍ د ګڼو هېوادونو استازو او سوداګرو پکې ګډون کړی و. د فورم برخوالو مېلمنو په خپل نوبت خبرې او څرګندونې کړې دي. د بريتانيې او چين د سوداګرۍ ټولنې اجرائيوي مشر پيټير بونيټ یاد فورم ته ويلي، چې د کمربند او لارې د ګډې ابادۍ ګډونوال د دواملرونکي پرمختګ لپاره زرغونې ټېکنالوژۍ او پانګونې ته پاملرنه کوي.
چين څه باندې یوه لسیزه مخکې د کمربند او لارې د ګډې ابادۍ نوښت اعلان کړی، نړۍ ته يې پکې د ګډون بلنه ورکړې او ګڼو هېوادونو ته یې د ګټو فرصتونه رسولي دي.د چين په ياد نوښت کې څه دپاسه ۱۵۰ هېوادونو او ۳۰ نړيوالو سازمانونو ګډون کړی او د ګډ پرمختګ لپاره يې ټينګ بنسټ برابر کړی دی.
روان کال د چين ولسي جمهوريت د جوړېدو له ۷۵مې کليزې سره برابر دی. په همدې مودې کې يې ډېر چټک پرمختګ کړی او له نړۍ سره يې ګټې شريکې کړې دي.چين له يو کمزوري او بېوزله هېواد څخه د نړۍ په دويم لوی اقتصاد بدل شوی، د توليدي چارو او د توکو د سوداګرۍ لومړی لوی هېواد او د مصارفو دويم لوی هېواد ګرځيدلی او د نړۍ د اقتصادي پرمختګ مهم اېنجن پاتې شوی دی.
له ۱۹۷۹م کال څخه تر ۲۰۲۳م کال پورې، د چين د اقتصادي زياتوالي کلنۍ انډول ۸اعشاريه ۹سلنې ته رسېدلې، چې د همدې مودې لپاره د نړيوال اقتصاد له ۳ سلنې کلني زياتوالي هم لوړ ښکاري. له تېرو څه باندې لسو کلونو راهيسې هر کال نړۍ ته د چين د اقتصاد خدمتي انډول له ۳۰سلنې څخه اوښتی و. چين بې له ساري د مطلبې بېوزلۍ مسئله حل کړې او په هراړخيزه ساحه کې نسبټآ شتمنه ټولنه يې جوړه کړه. د نړيوال بانک د اړوند معيار له مخې، د اصلاحاتو او ورخلاصون ملي تګلارې له پلې کېدو راهيسې په چين کې د بې وزلو کسانو د کموالي اندازه د نړۍ څه باندې ۷۰سلنه نيولې، چې د ټولې نړۍ د بي وزليتوب له منځه وړلو بهير يې چټک کړی دی.
چين په تېرو ۷۵ کلونو او د نړۍ د لویو بدلونونو په درشل کې څنګه له نورو سره ګټې شريکې کړې دي؟ چين د انسانانو د پرمختګ لپاره رول لوبوي، له نړۍ سره فعال تګ راتګ کوي، ګډ پرمختګ ورسره مومي او د نړۍ د ادارې سيسټم د عادلانه او معقوله کېدو لپاره هڅې کوي.چين هڅې کوي، پرمختګ مومي او له نړۍ سره ګټې شريکوي.
پخوا د چين صنعتي چارې ډېرې کمزورې او وروسته پاتې وې، خو د نوي چين له جوړېدو سره هممهاله يې صنعتي چارې وغوړېدې او له بهرنيو ټېکنالوژيو څخه د زده کړې او د خپلو نوښتونو په مټ يې اقتصادي بنسټونه ټينګ کړي دي.
چين په ۱۹۷۸م کال کې یعنې د چين کمونېست ګوند د يوولسمې مرکزي کمېټې له درېيمې عمومي غونډې وروسته د اصلاحاتو او ورخلاصون بهير پيل کړی دی. چين په ۲۰۰۱م کال کې سوداګرۍ نړيوال سازمان کې شامل شوی او د اقتصاد په نړيوال کېدو کې يې د ګډون نوې پاڼه پرانېستې ده.
چين په ياد سازمان کې د ګډون لپاره خپلې ژمنې عملي کړې، خپل بازار يې پرانيستلی، بهرنۍ سوداګرۍ ته يې پرمختګ ورکړی او ډول ډول نړيوال نندارتونونه يې ترسره کړي دي.چين په وروستيو لسو کلونو کې د هراړخيزو اصلاحاتو د ژورتيا له لارې د اقتصاد بڼه بدله کړې او باکيفيته پرمختګ ته يې پر له پسې وده ورکړې ده.
چين د اصلاحاتو او ورخلاصون له لارې پرمختګ موندلی او د خپل پرمختګ له لارې يې د نړۍ د سمسورتيا او ثبات هڅونه کړې، چې د تقاضې او عرضې ځنځيرونه، بازار، نوښتونه او پانګونې يې د فرصتونو کليدي ټکي یادولی شو. بازار د توليدي خواوو مهمه سرچينه ده. چين پراخ بازار لري او زياتې بهرنۍ تصدۍ پکې بوختې دي او صنعتي او اکمالاتي ځنځيرونه یې د نړيوال اقتصاد د پرمختګ لپاره مهم ضمانت برابر کړی دی.
اوسمهال چين د نوي کيفيت توليدي ځواک ته وده ورکوي او له نړۍ سره د نوښتونو لپاره تګ راتګ ژوروي.د ۲۰۲۳م کال د کورني توليد په عمومي ارزښت کې د چين د نويو توليدي چارو، نويو او سوداګريزو چارو کې د اقتصاد د زياتوالي اندازه د ۲۰۱۶م کال په پرتله ۲ اعشاريه ۴څلور سلنه زياته شوې ده او دغه راز په بهرنيو هېوادونو کې یې پانګونو د ځايي خلکو چارې او اقتصاد په خوځښت راوستلي دي.
په ۲۰۲۳م کال کې په بهرنيو هيوادونو کې د چين د مستقيمو پانګونو اندازه ۱۷۷ ميليارډه او ۲۹۰ ميليونه ډالرو ته رسېدلې، چې د ټولې نړۍ ۱۱ اعشاريه ۴ سلنه جوړوي او په تېرو مسلسلو ۱۲کلونو کې يې درېيم ځای خپل کړی دی.چين له نړۍ سره خپلې ګټې شريکوي، د نړيوالې ادارې په بهير کې فعال ګډون لري او د پرانيستي نړيوال اقتصاد جوړښت يې برابر کړی دی.
چين د اقتصاد د نړيوال کېدو په بهير کې د پرمختګ ستونزې حل کړي او په دې اند دی، چې د پرمختګ کارونه بايد د نړيوالو چارو مرکزي ځای ونيسي.چين د کمربند او لارې د ګډې ابادۍ وړانديز او درې نور نړيوال وړانديزونه وړاندې کړي او د خطرونو او ننګونو پر وړاندې د مقابلې لپاره له پرمختيايي هېوادونو مرستې کوي.
چين له ځينو لوېديځو هېوادونو سره مخالقت ښودلی، چې د ټېکنالوژۍ بنديزونه لګوي او د اقتصادي اړيکو د پرېکون هڅه کوي. چين د ګډې سلامشورې، ګډې ابادۍ او شريکو ګټو پر نظريې ټينګار لري او د پرمختګ لاسته راوړنې تر هر ځایه رسوي. د چين پرمختګ له نړۍ څخه نه شي جلا کېدای او د نړۍ پرمختګ هم له چين څخه نه شي بېليدای او همدغو ټکو په تېرو ۷۵ کلونو کې ثابته کړې او په راتلونکې کې به هم پر خپل حال پاتې وي.
