چین په افغانستان کې د استرالیايي ځواکونو د جنګي جنایتونو د څېړلو غوښتنه کړې ده. په ملګرو ملتونو کې د چین دایمي استازي ژانګ جون ویلي په افغانستان کې د بهرنیو ځواکونو جنګي جنایتونه ټکان ورکوونکي دي. دده په خبره ملګري ملتونه او د جرمونو نړیواله محکمه باید ټول هغه جنګي جنایتونه وڅېړي چې بهرنیو ځواکونو او ترهګرو ډلو په افغانستان کې ترسره کړي دي. هغه زیاته کړې چې بهرنیو ځواکونو په تېره استرالیايي پوځيانو په ډېرې بې رحمۍ د ټولو نړیوالو قوانینو پر خلاف په افغانستان کې ملکي وګړي وژلي او دا یو ستر بشري جنایت دی چې ملګري ملتونه او نړیوال حقوقي بنسټونه باید ورباندې چوپ نه شي. هغه ویلي په رسنیو کې ددې پېښو شمېره کمه ښودل کېږي او په خبره یې ښایي سلګونه داسې موارد وي چې په هغه کې بهرنیو ځواکونو په قصدي توګه ملکي افغانان په نښه کړي وي. ژانګ جون هیله څرګنده کړې چې د ملګرو ملتونو د بشري حقونو نړیوال سازمان، د جرمونو نړیواله محکمه او نور اړوند نړیوال بنسټونه په دې تړاو کوټلي ګامونه اوچت کړي.
Looking for a reliable place to play online? With instant deposits, exciting promotions, and a huge game selection, you'll find everything you need at Samba Slots.
چین: افغانستان کې د بهرنیو سرتېرو جنایتونه باید وڅېړل شي
ځواب دلته پرېږدئ
Don't miss it
Designed and Developed By iCode © 2026 SpogmaiRadio. All rights reserved