ډبلیو اېف پي: ۲۹ میلیونه افغانان اړینو بشري مرستو ته اړتیا لري

د خوړو نړۍوال پروګرام وايي، په راتلونکي زېږدیز کال کې به له ۲۹ میلیونو زیات خلک چې د افغانستان د ټول نفوس دوه پر درېیمه برخه جوړوي اړینو بشري مرستو ته اړتیا لري. د دغه بنسټ له‌خوا د روان کال له پیله په افغانستان کې نږدې ۱۷ مېلیونه خلکو ته خوراکي توکي رسول شوي دي. دغه بنسټ لا پخوا ویلي و، سږنی کال به لس میلیونه هغه خلک له مرستو بې برخې شي چې دوی وار له مخې د مرستو لپاره په نښه کړي وو. د خوړو نړۍوال پروګرام خبرداری ورکړی، چې په افغانستان کې د خوارځواکۍ او لوږې کچه لوړه شوې او د دغه ناورین د لمنځه وړلو لپاره دوامداره بشري مرستې اړینې دي.