کاناډا په اماراتو کې ځيني بند پاتې افغانان مني

د راپورونو له مخې کاناډا به شاوخوا ١٠٠٠ هغه افغانان ومني چې له يوه کال راهيسې د متحده عربي اماراتو د کډوالو په کمپ کې مېشت دي. راپورونه وايي، چې د کاناډا چارواکي اوس د دغو افغانانو قضیې ارزوي څو یې ترمنځ هغه کسان انتخاب کړي چې د دغه هيواد د بيرته ځای پر ځای کولو پر شرایطو برابر وي. سرچينو ويلي چې کاناډا د بيا ميشتېدنې شرایطو پر اساس د ابوظبۍ له کمپ څخه د مذهبي اقليتونو کسان، هغه ښځې چې د کورنۍ غړي ورسره نه وي، دولتي کارکوونکي، مدني فعالان او ژورناليستان باسي. یوې بلې امريکايي سرچينې رويټرز ته ويلي، چې کاناډا ته د دغو کسانو د ميشت کولو عمليات په پام کې ده چې روانه مياشت پيل او د اکتوبر په مياشت کې پای ته ورسېږي.