کندز کې د دریو پروژو چارې پیل شوې

د کندز په خان آباد ولسوالۍ کې د نږدې ۷ میلیونو افغانیو په لګښت د دریو پروژو چارې پیل شوې. د ولایت مقام د دفتر رییس عبدالغفور شهیدزي د دغو پروژو چارو پیل له خلکو سره ښه ژمنه وبلله او له دوی یې وغوښل، چې له حکومت سره په څنګ کې د پراختیایي پروژو په پلې کولو کې همکاري او ملاتړ وکړي. ورته مهال د خان آباد ولسوالۍ د ښاروالۍ مسوولين وايي، چې د دې ولسوالۍ د ښاروالۍ ادارې په مالي لګښت يې د نږدې ۷ ميليونه افغانيو په لګښت د یو مسلخ، د اوبو د حوض او د دغه ښاروالۍ د ادارې ودانۍ د اساسي بیا رغونې چارې پيل کړي، چې په درېيو مياشتو کې به ګټې اخيستنې ته وسپارل شي.