ینس سټولټنبرګ: امریکا په افغانستان کې د خپل ماموریت ادامې ته ژمنه ده

ناټو وایي د امریکايي ځواکونو له وتلو سره سره دوی په افغانستان کې خپل ماموریت ته ادامه ورکوي. د ناټو سازمان د بهرنیو چارو وزیران په خپله نوبتي غونډه کې په افغانستان کې پر روان وضعیت خبرې کړې دي او ټینګار یې کړی چې د سولې د پروسې بشپړ ملاتړ کوي او په افغانستان کې به خپل ماموریت ته ادامه ورکوي. تر غونډې وروسته د ناټو سرمنشي ینس سټولټنبرګ رسنیو ته ویلي سره له دې چې امریکایي ځواکونه له افغانستان وځي خو ناټو د خپل ماموریت ادامې ته ژمنه ده. دده په خبره دوی به د افغان ځواکونو روزنې ته ادامه ورکړي او همدا راز هڅه کوي له افغان حکومت سره څنګ په څنګ د ترهګرۍ پر وړاندې مبارزه وکړي. ینس سټولټنبرګ دغه راز ټینګار کړی چې د افغانستان امنیت د ټولې نړۍ لپاره مهم دی نو ځکه له دغه هېواد په وتلو کې هېڅ راز بېړه نه ده په کار.