خصوصي سکتور د افغانستان په اقتصادي وده کې اغېزناک تمامېدلی شي. په افغانستان کې د ملګرو متلونو د مرستندویه دفتر مشرې دیبورا لاینز ویلي چې افغانستان اقتصادي ودې ته اړتیا لري او خصوصي سکتور کولی شي په دې برخه کې ګټور فعالیتونه ترسره کړي.
نوموړې په دوبۍ کې له افغان سوداګرو سره کتلي دي او دوی یې هڅولي چې په خپل هېواد کې پانګونه وکړي او په دې توګه دغه هېواد له بېوزلۍ او ستونزو وژغوري. نوموړې ویلي چې افغان سوداګر او خصوصي سکتور د افغانستان د اقتصاد لپاره مهم بلل شوي نو افغان سوداګر دې په خپلو پانګونو کې پراختیا راولي. تر دې وړاندې افغان حکومت افغان پانګه والو ته ډاډ ورکړی چې د پانګونې لپاره مصوونه فضا ورته جوړوي او شرایط ورته برابروي.
