یونیسف: د ۱۲ میلیونو اړمنو لپاره ۹۵۰ میلیونه ډالرو ته اړتیا لرو

د ملګرو ملتونو له ماشومانو د ملاتړ صندوق (یونیسف) پر خپله اېکس پاڼه په لیکلي بیان کې ویلي، چې په ۲۰۲۶ کال کې دغه سازمان ۹۵۰ میلیونو ډالرو ته اړتیا لري؛ څو وکړای شي ۱۲ میلیونو کسانو ته حیاتي مرستې او روغتیايي خدمات وړاندې کړي. په بیان کې ویل شوي، چې له دې ډلې ۶.۵ میلیونه اړمن ماشومان بشرپالو مرستو ته اړتیا لري. یاد سازمان زیاته کړې، چې د اوبو، روغتیا او تغذیې په برخه کې ناکافي پانګونه چې له اقلیمي پېښو سره یې کچه پراخه شوې، بشردوستانه اړتیاوې یې پراخې او د ټولنې پایداري یې کمزورې کړې ده. د یادې ادارې په خبره دا پانګونه کولی شي بشردوستانه اړتیاوې لرې کړي.