پاکستان:افغانستان کې سوله یوازې د خبرو له لارې راتلی شي

پاکستان یو ځل بیا ویلي چې په افغانستان کې امن او‌ سوله یوازې د خبرو له لارې راتلی شي او د سولې د روانې پروسې په بریالیتوب د سرته رسولو لپاره د ټولو لورو سره خبرې اترې اړینې دي. دپاکستان د بهرنیو چارو وزارت ویلي پاکستان په سیمه کې د امن او ثبات پلوی دی او غواړي چې د ټولو ستونزو هواری باید د خبرو له لارې ولټول شي. پاکستاني چارواکو ویلي، دافغانانو ترمنځ قطر کې د سولې روانې خبرې یو ښه پرمختګ دی او پاکستان په دې برخه کې خپله مرسته نه ده سپمولې. دا په داسې حال کې ده چې طالبان او افغان مرکچي پلاوی د تېرې میاشتې راهیسې په قطر کې د سولې خپلمنځي خبرو ته ناست دي خو دواړه خواوې لا د خبرو لپاره په اجنډا او اصولو توافق ته نه دي رسېدلي.