امرالله صالح؛ ښاروالۍ ته امر کړئ چې کابل ښار کې تشنابونه زیات کړي

د ولسمشر د لومړي مرستیال امرالله صالح په مشرۍ د کابل ښار د امنیت او نظم راوستو په موخه، ننۍ او څلورمه ناسته کې ګڼې نورې پریکړې شوې دي، په دغه ناسته کې دا پریکړه هم شوې ده چې د فراري مجرمینو لوی عکسونه دې د ښار په کوڅو او واټونو کې ځوړند شي تر څو مجرمین اصلاح او یا هم د قانون منګولو ته وسپارل شي، دغه راز کابل ښاروالۍ ته امر شوی چې د ښار د نظافت لپاره ښار کې شته تشنابونه پر وخت پاک او نور نوي تشنابونه جوړ کړي، امرالله صالح دغه راز ډاډ ورکړی او ویلي یې دي چې ژر به د کابل ولایت د ولسوالیو د امنیت او نظم راوستو لپاره هم لاس په کار کیږي.