د چين د ځنګلونو او څړځايونو ملي ادارې په دې وروستيو کې یو لړ تازه شمېرې خپرې کړي، چې له مخې يې په نړۍ کې د اسيايي فيلانو د اندازې د کمېدو په حال کې په چين کې اسيايي فيلان مخ په زياتېدو دي او شمېر يې نږدې څلورو سوو ته رسېدلی دی.
چين د اسيايي فيلانو لپاره د طبيعت ساتنې يوولس سيمې جوړې کړي او د استراحت لپاره یې ورته څه باندې ۲ لکه او ۴۰ زره هېکتاره سيمه، د خوړو لپاره يې ۲ زره او ۴۶۶ هېکتاره ځانګړي ځایونه ټاکلي او ۸۰۰ هېکتاره ځانګړی ځای يې ورته د خوړو د ترتيبولو لپاره برابر کړی دی.
د چین د يون نان ولايت د شي شوانګ بان نا د دای قوم په کورواکې ولسوالۍ کې د اسیايي فيلانو د ژغورنې او روزنې مرکز تراوسه څه باندې دېرش وحشي فيلان ژغورلي دي.
