د اوکراین ولسمشر ولادیمیر زیلینسکي د اګست په ۲۳مې نېټې رسنیو ته ویلي، چې هېواد یې له ناټو سره د یو ځای کېدو پرته بله لاره نه لري او يوازې پر همدې لارې ریښتیني امنیتي تضمینونه ترلاسه کولی شي.
زیلینسکي ویلي، که اوکراین له ناټو سره یو ځای شي، نو د پانګو او وسلو په شمول یو لړ فرصتونه به ترلاسه کړي.
نوموړي ويلي، اوکراین سږکال له اروپايي ټولنې څخه ۳۰ ميلیارده یورو پور ته اړتیا لري، څو خپل مالي کسر پوره کړي. سربېره پردې، اوکراین د ۲۷ ميلیارډو ډالرو دفاعي بودیجې کسر سره هم مخ دی.
