ډبلیو ایف پي: د افغانستان په ختیځ کې مو تر۹۰ زرو ډېرو زلزله ځپلو سره مرسته کړې

د خوړو نړیوال پروګرام (ډبلیو ایف پي) وايي، چې د افغانستان په ختیځ کې یې د ویجاړونکې زلزلې له امله له څه باندې ۹۰ زرو کسانو سره مرسته کړې، خو لا هم ګڼې زلزله‌ځپلې کورنۍ ملاتړ ته اړتیا لري.  دغه سازمان ویلي، د زلزلې یو کال وروسته هم د افغانستان په ختیځ کې د زیانمنو کورنیو لپاره د خوړو ناامني یوه جدي ورځنۍ ستونزه ده. ډبلیو ایف پي زیاتوي، د زلزله‌ځپلو کورنیو د ژوند د بېرته رغولو او بیارغونې هڅې روانې دي، خو ډېری کورنۍ لا هم د خوړو او نورو لومړنیو اړتیاوو له کمښت سره مخ دي.