جنرال مک کینزي: امریکا د افغان پوځ ملاتړ ته ژمنه ده

د امریکایي پوځ د مرکزي قومندانۍ قومندان یو ځل بیا ولسمشر غني ته ډاډ ورکړی چې له افغان ځواکونو به د امریکا ملاتړ دوامداره وي. د امریکايي پوځ د مرکزي قومندانۍ قومندان جنرال مک کینزي تېر ماښام په ارګ کې له ولسمشر غني سره کتلي دي. په دې لیدنه کې په افغانستان کې د امریکایي پوځ قومندان جنرال سکاټ مېلر او د ملي دفاع وزیر اسدالله خالد هم حاضر وو. مک کینزي ویلي چې دوی د افغانستان تر څنګ ولاړ دي او امریکا د افغان پوځ ملاتړ ته ژمنه ده. دواړو لورو همدا راز په دې لیدنه کې پر روان تاوتریخوالي او د سولې پر بهیر بحثونه کړي دي او ټینګار یې کړی چې ژر تر ژره باید یوه دایمي اوربند ته لار هواره کړل شي.