تر درې کاله ځنډ وروسته؛ قطر او سعودي عربستان خپلې اړیکې عادي کوي

قطر، سعودي عربستان او کوېټ پرېکړه کړې چې په خپلو کې به ديپلوماتیکې او سوداګریزې اړیکې عادي کوي. غربي رسنۍ بیا وايي چې دا اړیکې د امریکا په منځګړیتوب عادي شوې دي او د ټرمپ زوم جراد کوشنر به د اړیکو د بېرته عادي کېدو په مراسمو کې هم ګډون وکړي. عربي رسنۍ بیا وايي چې قطر د اړیکو د عادي کېدو په بدل کې له سعودي عربستان ۹ میلیارده ډالر زیان هم غوښتی دی، ځکه ددوی هوایي شرکت په دې موده کې زیانمن شوی او دوی باید دا خساره جبران کړي. سعودي عربستان، متحده عربي اماراتو، بحرین او کوېټ درې کاله مخکې له قطر سره په دې خاطر اړیکې پرې کړې چې ګواکي دغه هېواد په سوریه او عراق کې د ترهګرو ډلو ملاتړ کوي، خو دوحې دا تورونه رد کړي دي.