د ښوونځیو تړل کېدل؛ رباني کهر وایي اسلامي نړۍ باید جدي غبرګون وښیي

د پاکستان د بهرنیو چارو وزارت پخوانۍ وزیرې حنا رباني کهر ویلي چې د ا.ا له لوري د نجونو د ښوونځیو د تړل کېدو غبرګون کې اسلامي نړۍ باید هغومره په غوسه شي لکه څومره چې په غربي نړۍ کې د اسلامي حجاب په بندیز په غوسه کېږي. نوموړې زیاته کړې ده چې زده کړې د نجونو حق دی او اسلامي نړۍ ته په کار ده چې د ا.ا پر وروستۍ پرېکړه جدي غبرګون ښکاره کړي. نوموړې زیاته کړې ده چې د نجونو پر زده کړو بندیز او په غربي نړۍ کې پر حجاب بندیز دواړه یو یو شان دي، یو یې هم د منلو نه دی او دواړه باید په کلکو ټکو وغندل شي.