ډنمارک: افغانستان کې مو ښځینه کار کوونکې په خیره بنسټونو کې اوس هم کار کوي

د ډنمارک د کډوالو شورا ويلي، افغانستان کې د ا.ا تر واکمنيدو وروسته يې هم افغانستان کې خپلې ښځينه کارکوونکې دندو ته ادامه ورکوي. د دې غير دولتي بنسټ رييسې شارليټ سلينټ اسوشيټيډ پريس ته ويلي، له ښځينه کارکوونکو پرته افغانستان کې فعاليتونو ته ادامه نه شي ورکولی. میرمن سلینټ چې تازه يې کابل ته سفر کړی ويلي، بنسټ يې نږدې يو ميليون افغانانو ته مرستې رسولې چې دوی پرې وياړي. هغه چې د زياتيدونکي بشري کړکيچ د ارزونې په موخه افغانستان ته راغلې د ا.ا له ځينو مشرانو سره يې هم کتلي دي. دې ويلي چې د ا.ا له مشرانو سره په خبرو کې يې له شپږم ټولګي پورته د نجونو د ښوونځیو پر پرانيستل کيدو هم ټينګار کړی دی.