نیویارک ټایمز ورځپاڼې راپور ورکړی دی چې د امریکا د اردو ځینې سلاکاران پر داسې پلانونو بوخت دي چې څه ډول کولی شي د امریکا تر ټاکنو مخکې له افغانستانه خپل ځواکونه وباسي. نیویارک ټایمز ورځپاڼې د پنټاګون د ځینې سرچینو له قوله ویلي، د ټرمپ د هغې ژمنې پر بنسټ چې ویلي یې وو ټول سرتېري به هېواد ته ستنوي نو ښایي تر ټاکنو مخکې خپل ټول ځواکونه امریکا ته ستانه کړي چې پیل به یې له افغانستان وي، ځکه د نوموړي په خبره اوس د طالبانو او افغان حکومت تر منځ خبرو ته هم هیلې پیدا شوې دي او د پومپیو په ګډون امریکایي چارواکې هڅه کوي چې پر طالبانو فشار راوړي څو هر څه ژر له افغان حکومت سره خبرو ته کېني او په دې هېواد کې روانه جګړه پای ته ورسوي.
