د جوزجان د کلیو، بیارغونې او پراختیا ریاست مسوولین د دغه ولایت په مرکز شبرغان ښار کې د ١٤٤ زره امریکایي ډالرو په لګښت د څښاک اوبو د څلورو شبکو د جوړولو خبر ورکوي. د یادو شبکو د جوړولو چارو د پیل په مراسمو کې د جوزجان والي ګل حیدر شفق وویل، چې سرپرست حکومت د مرستندویه موسسو په همکارۍ هڅه کوي چې د اوبو رسولو شبکو په جوړولو سره د جوزجان ټولو اوسېدونکو ته د څښاک پاکې اوبه برابرې کړي. ورته مهال د دغه ولایت د کليو، بيارغونې او پراختيا رييس اسدالله حمزه له خلکو وغوښتل چې د دې پروژې په تطبيق او ساتنه کې همکاري وکړي.
