سوداګرۍ وزارت: سوداګري بايد له سياست څخه جلا وساتل شي

د صنعت او سوداګرۍ وزارت مرستيال قدرت الله جمال له ايراني صنعت‌کارانو او سوداګرو سره په لیدنه کې ویلي، چې د ایران او افغانستان د ګډو ګټو خوندیتوب په موخه سوداګري بايد له سياست څخه جلا وساتل شي. نوموړي زياته کړې، چې اقتصادي پرمختګونه کولی شي، چې اسلامي هېوادونه د غرب له اقتصادي فشارونو وژغوري. یاد پلاوي ايراني صنعت‌کارانو او سوداګرو ته افغانستان کې د پانګونې لپاره برابرې شوې اسانتیاوې ستایلي دي.