څه باندې ۳۰۰ نور افغانان کاناډا ته ولېږدول شول

د کاناډا د کډوالۍ او تابعیت اداره وايي چې د افغان کډوالو د تخلیې د پروګرام په لړ کې یې تېره ورځ له پاکستان څخه په یوه چارټر الوتکه کې ۳۱۶ افغان کډوال دغه هیواد د تورنټو ښارته انتقال کړي دي. دغې ادارې پرون ناوخته پر خپله ټویټر پاڼه لیکلي چې کاناډا ته دا نوي رسیدلي افغان کډوال به د دغه هیواد په ۳۶ ښاري سیمو کې ځای پر ځای شي. د کاناډا د کډوالۍ او تابعیت ادارې ویلي، چې کاناډا د ۲۰۲۱ کال د اګست د میاشتې راهیسې لږ تر لږه ۴۰ زرو زیانمنونکو افغان کډوالو ته د هرکلي ویلو هدف پوره کړ او په شرایطو د برابرو نورو غوښتنلیکونو باندې چې دمخه ترلاسه شوي کار روان دی. د کاناډا د کډوالۍ او تابعیت ادارې تیره اونۍ هم له پاکستان څخه په یوه چارټر الوتکه کې ۳۲۵ افغانان انتقال کړي و.