لوګر کې بې کیفیه درمل او خوراکي توکي راټول شوي

د لوګر ولایت د خوړو او درملو ادارې خبر ورکړی، چې په دغه ولایت کې یې سلګونه قلمه بېلابېل تاریخ تېره درمل او بې کیفیته خوراکي توکي د پل علم ښار څخه راټول او ضبط کړي دي. د لوګر د خوړو او درملو ادارې د مطبوعاتو څانګې د مالوماتو له مخې، په یاد ولایت کې یې ۳۴۶ ډوله خوراکي او درملیزو تاسیساتو څخه د څارنې په ترڅ کې ۴۴۲ کارتنه درمل او ۱۲۷۹ قلمه تاریخ تېره او بې کیفیته خوراکي توکي ترلاسه شوي دي. د یو بل خبر له مخې د پنجشېر ولایت د عامې روغتیا ریاست مسوولینو هم خبر ورکړی، چې په دغه ولایت کې یې ۶ ټنه بې کیفیته او تاریخ تېره درمل سوځولي دي.