الشرع:د سوریې له تور نوملړه د ایستلو د امریکا پرېکړه مهم ګام دی

د سوریې ولسمشر احمد الشرع د امریکا له لوري د سوریې د «ترهګرۍ د ملاتړو دولتونو» له نوملړه د ایستلو هرکلی کړی او دا یې د بندیزونو د کمېدو او د هېواد د اقتصادي بیا رغونې لپاره مهم ګام بللی دی.  سوریه هڅه کوي د کلونو جګړو له پایلو وروسته د بیارغونې بهیر چټک کړي او د اقتصادي ودې او پانګونې لپاره زمینه برابره کړي. د امریکا پرېکړه چې د سوریې د ترهګرۍ د ملاتړ کوونکي دولت حیثیت پای ته رسوي، د دغه هېواد پر مالي راکړو ورکړو، پانګونې او نړیوال مالي نظام سره د بیا نښلېدو پر وړاندې یو مهم خنډ لرې کوي.