امریکا: د کاري حقوقو پېژندلو لپاره افغان کډوالو سره مرسته کوو

د امریکا عدلیې وزارت اعلان کړی چې افغان او اوکرایني کډوالو ته یې یو لړ منابع ځانګړې کړې چې د خپل کار حقونه وپېژني. د عدلیې وزارت وايي چې د دغو منابعو په اساس به کډوالو ته وضاحت ورکول کېږي چې د امریکا د مهاجرت او تابعیت خدمتونو ادارې د قانون په اساس د کومو حقوقو څخه برخمن دي، دا قانون دغه راز د ګومارنو پر مهال د تبعیض په ضد دی. په امریکا کې د فدرال قانون هم د کارګرو څخه ملاتړ کوي او د قانون په اساس کار ګومارونکي حق نه لري چې د کارګرو له تبعیض څخه کار واخلي. د عدلیې وزارت د مدني حقونو د څارنوال مرستیالې کرستین کلارک وویل چې اداره یې په امریکا کې له مېشتو افغان او اوکرایني کډوالو سره مرسته کوي او دغه راز له ټولو امکاناتو څخه کار اخلي چې د کار په ځای کې له هغوی سره تبعیض ونشي.