حامد کرزي له افغانستان سره د جاپان د بشري مرستو هرکلی کړی

د هېواد پخواني ولسمشر حامد کرزي له افغانستان سره د جاپان د ۵۸.۴ میلیونه ډالره تازه اعلان شوې بشري مرستې د اعلان هرکلی کړی دی. د حامد کرزي له دفتره په خپره شوې خبرپاڼه کې راغلي، د دې ترڅنگ چې د افغانستان له خلکو سره د جاپان له دوامداره همکاریو مننه کوي، د یادو مرستو پر دوام ټینگار کوي او هیله یې ښودلې، چې یادې مرستې د افغانستان د خلکو د ښېگڼې او د نجونو او هلکانو د ښې روزنې لپاره ولګول شي. په کابل کې د جاپان سفارت پرون پر خپله ټویټرپاڼه لیکلي چې تاره اعلان شوې مرسته به د ملګرو ملتونو، نړیوالو سازمانونو او غیر دولتي موسسو له لارې اړمنو افغانانو ته ورسېږي.