د امریکا کانګرس: امریکا باید په افغانستان کې خپل پوځي او استخباراتي حضور وساتي

د امریکا د کانګرس یوې غړې ويلي چې امریکا باید په افغانستان کې خپل پوځي او استخباراتي حضور وساتي تر څو القاعده او داعش ډله د حملو لپاره مرکزونه ترلاسه نه کړي. د امریکا د کانګرس د پوځي چارو کمېټې غړې لېز چېني وايي امریکا ته پکار ده چې په افغانستان کې پوځي او استخباراتي حضور ولري. نوموړې ویلي، له افغانستان د امریکايي ځواکونو ایستل به جګړه ختمه نه کړي. چېني ویلي، چې امریکا دې له طالبانو سره د سولې هوکړې له شرایطو سره سم له افغانستان خپل ځواکونه وباسي. نوموړې ویلي، په داسې حال کې چې په دغه هېواد کې تاوتریخوالی زیات شوی او افغان حکومت او طالبان په خپلو منځو کې خبرې کولو کې تر اوسه ناکامه دي.