د هیواد په ۴ ولایتونو کې ترافیکي پېښو ۲۵کسانو ته مرګ ژوبله اړولې

په ننګرهار، غزني، جوزجان او نیمروز کې د جلا جلا ترافیکي پېښو په پایله کې اته کسان مړه او ۱۷ نور ټپيان شوي دي. د غزني ولایت د دوو جلا ترافیکي پېښو په پایله کې څلورو کسانو ژوند بایللی او درې نور ټپیان شوي دي. ورته مهال، سرچینې بیا وايي چې د کابل – جلال‌اباد پر لویه لار د یوې ترافیکي پېښې له کبله دوو کسانو ژوند بایللی او درې ژوبل دي. پر دې سربېره، د دغه ولایت په غني خېلو ولسوالۍ کې د ورته پېښې په پایله کې یو کس مړ دی او درې نور زخمیان شوي دي. بل پلو، سرچینو ویلي چې د جوزجان په خانقاه ولسوالۍ کې هم ترافیکي پېښه شوې چې پکې یو کس مړ دی او درې کسان ټپيان دي.ا خوا، په نیمروز کې بیا د موټرسایکل او ریکشې په ټکر کې پنځه کسان ټپیان شوي دي. د یادونې ده چې په دې وروستیو ورځو کې د هېواد په ګڼو ولایتونو کې د ترافیکي پېښو کچه لوړه شوې ده.