طالبان: ترکیه د نړۍ مهم هېواد دی مرستې ته یې اړتیا لرو

پر افغانستان د طالبانو تر کنټرول وروسته د طالبانو یو ویاند سهیل شاهین د ترکیې د دولت اړوند یوې ورځپاڼې سره په تازه مرکه کې ویلي چې دوی د ترکیې مرستو ته تر ټولو ډېره اړتیا لري. هغه څرګنده کړې چې د افغانستان ټول مهم بنسټونه بیا رغونې ته او دوی په دې برخه کې د ترکیې مرستې او همکارۍ ته د نړۍ د هر بل هېواد په پرتله ډېره اړتیا لري. شاهین ویلي چې ترکیه یو مهم لوبغاړی دی، دا هېواد د نړۍ یو معتبر او پیاوړی هېواد دی او په اسلامي نړۍ کې له تر ټولو غوره ځای ځایګي برخمن دی نو له دغه هېواد سره اړیکې له هیڅ کوم بل هېواد سره د پرتلې وړ نه دي. هغه ترکیه ورور هېواد بللی او زیاته کړې یې ده چې دوی به په راتلونکې کې له ترکیې سره ډېرې ښې اړیکې ولري. د یادونې ده چې تر دې وړاندې د ترکیې ولسمشر رجب طیب اردوغان هم ویلي و چې دی له طالب مشرانو سره لیدنې ته چمتو دی.