ولسمشر غني د ولسي جرګې له اداري پلاوي سره کتلي

ولسمشر غني د ولسي جرګې د رییس په مشرۍ د یادې جرګې له اداري پلاوي سره په ارګ کې کتلي دي. د ارګ د معلوماتو له مخې، په دې کتنه کې، د حکومت او مقننه قوې ترمنځ په همغږۍ خبرې شوې او د همغږۍ زیاتوالي لپاره پر یو شمېر مکانېزمونو هم هوکړه شوې ده. ولسمشر غني ویلي، ولسي جرګه د هیواد د اساسي قانون د یو بشپړونکي بنسټ په توګه، جمهوري نظام ته ځانګړی اهمیت لري او د همدې لپاره له دې قوې سره باید همغږي زیاته شي. ولسمشر وروسته تر هغه د ولسي جرګې له اداري پلاوي سره ګوري چې تېره اوونۍ ولسي جرګې د امرالله صالح وروستۍ څرګندونې د ملت کور ته سپکاوی وبلل او ولسمشر څخه یې غوښتنه وکړه چې نوموړی دې استعفا ته اړ کړي.