انس حقاني: نړۍ نه غواړي افغانستان خودکفا شي

د افغانستان ا.ا د قطر دفتر غړي انس حقاني ویلي چې دوی په کور دننه مشروعیت خپل کړی دی. نوموړي نن په کابل کې یوې پراخې ولسي غونډې ته په خبرو کې ویلي چې ا.ا په کور دننه مشروعیت تر لاسه کړی دی خو په وینا یې نړۍ نه غواړي چې افغانستان په خپلو پښو ودرېږي نو ځکه ورباندې محدودیتونه وضع کوي. حقاني یادې غونډې ته په خبرو کې زیاته کړې، دا نن چې د قومونو مشران را یوځای شوي دا ددې قوم اصلي نمایندګان دي چې خپل درد او همکاري یې له ا.ا سره شریکه کړه، همدا د ا.ا داخلي مشروعیت دی او په دې دلالت کوي چې ولس له له دوی سره دی.