ا.ا: د تېلو مافیا کې ښکېلو کسانو سره به جدي چلند وشي

د افغانستان ا.ا د ریاست الوزرا اقتصادي دفتر ویلي چې یو شمېر داسې راپورونه یې تر لاسه کړي دي چې ځینې کړۍ د تېلو او نرخونو په لوړولو او د بحران په رامنځته کولو کې لاس لري. د یاد دفتر د معلوماتو له مخې، دوی به د نرخونو د را ټیټولو لپاره له ټولو امکاناتو کار واخلي او هغه کسان چې د تېلو په مافیا کې لاس لري، له هغوی سره به تر ټولو جدي قانوني چلند وشي او د تېلو د تجارتي جواز په اړه به یې هم له سره غور وشي. د یادونې ده چې په دې وروستیو کې یو ځل بیا د تېلو بیې اسمان ته ختلې دي او ډېری ټیکسي چلوونکو خپل موټرونه د تېلو د بیو د لوړوالي له امله درولي دي.