بدخشان کې د ترافیکي پېښې له امله ۴ کسان مړه شوي

په بدخشان کې یو امنیتي چارواکی په دې ولایت کې په یوه ترافیکي پیښه کې د څلورو کسانو د مړه کېدو او شپږو نورو د ټپي کېدو خبر ورکوي. د دوو ټپیانو روغتیایي وضعیت نازک ښودل شوی دی. د بدخشان د امنیې قومندانۍ ویاند احسان الله کامګار ویلي چې دغه پېښه پرون له غرمې وروسته د دې ولایت په یمګان ولسوالۍ کې هغه مهال وشوه چې یو فلانکوچ ډوله موټر له لارې واوښت او سیند ته ولوېد. هغه زیاته کړه چې په موټر کې سپاره کسان له کابله بدخشان ته روان و. د دې پېښې علت د لارې خرابوالی ښودل شوی دی.