توماس وېسټ له هندي چارواکو سره د افغانستان په اړه خبرې کړې دي

د افغانستان لپاره د امریکا ځانګړی استازی وايي، د افغانستان «د راتلونکي لارې» په هکله یې د هند د بهرنیو چارو مرستیالانو سره ګټورې خبرې درلودې. توماس وېسټ پرون پر خپله ټویټر پاڼه لیکلي چې له دې هندي چارواکو سره د افغانستان د راتلونکي په اړه له خبرو خوښ دی او د هند د بهرنیو چارو مرستیال وزیر کواتره او مرستیال جي پي سره یې ارزښتناک وخت درلود. وېست له افغانستان سره د هند د مرستو په یادولو سره ویلي، «هند افغانانو ته د مهمو بشري مرستو او درملو لیږلو ته دوام ورکوي.» نوموړي ویلي، چې له هندي چارواکو سره د ۲۰۲۴ کال او د ګډو ګټو د ملاتړ لپاره د ډيپلوماټیکو اړیکو د پراختیا په اړه غږیدلي دي.