توني بلېر: له افغانستان تر وتلو وروسته نړۍ کې زموږ دوره ختمه شوه

د برېټانیا پخواني چارواکي وایي له افغانستان د امریکا وتلو دا وښوده چې د غرب د واک زمانه پای ته رسېدلې ده. د برېټانیا پخواني لومړي وزیر ټوني بلېر د سپټمبر د یوولسمې پېښې په تړاو په تازه څرګندونو کې ویلي چې له افغانستان د ټولو امریکایي ځواکونو ایستل یوه ستره تېروتنه وه. دده په خبره بایډن په بېړه د افغانستان په تړاو پرېکړه وکړه او له دغه هېواد یې خپل سرتېري و ایستل. هغه زیاته کړې د بایډن دې پرېکړې نړۍ ته وښوده چې نور د غربي هېوادونو یا د امریکا او د دوی د متحدینو واک او دوره ختمه شوې ده او دوی په افغانستان کې مات شوي دي. ټوني بلېر له هغو کسانو ګڼل کېده چې په افغان جګړه کې په مستقیمه توګه ښکېل و او د امریکايي اقداماتو کلک ملاتړ یې کاوه.