د اروزګان اوسېدونکي: تېرو جګړو کې ویجاړ شوي ښوونځي دې ورغول شي

د اروزګان اوسېدونکي په دغه ولایت کې د تېرو جګړو له امله د ویجاو شویو ښوونځیو د بیارغونې غوښتنه کوي. دوی وايي، د جګړو له امله ګڼ ښوونځي ویجاړ او ماشومان یې له زده کړو محروم پاتې دي. د اروزګان اوسېدونکي وايي، د تېرو جګړو له امله پر ځاني او مالي زیانونو سربېره د زده کړو مرکزونه هم ویجاړ او ماشومان یې له زده کړو محروم پاتې دي. د اروزګان د والي ویاند بیا وايي، راتلونکی کال به د دغه ولایت په مرکز او ولسوالیو کې ۲۵ بابه هغه ښوونځي، چې د جګړو له امله ویجاړ شوي، بېرته ورغوي. د سمییزو مسوولینو د معلوماتو له مخې دغه ولایت کې ۲۰ بابه ښوونځي چې د جګړو له امله ویجاړ شوي وو، رغول شوي او همدا راز د ۱۴ نورو د رغولو چارې دوام لري.