د چین، افغانستان او پاکستان؛ درې اړخیزه غونډه نن به بیجینګ کې جوړېږي

د چین د بهرنیو چارو وزارت ویلي چې دا د درې اړخیزو غونډو دوام دی او هڅه کېږي چې په سیمه کې پر روان وضعیت او ترهګرۍ ضد مبارزه خبرې وشي. سرچینه کاږي چې په دې غونډه کې به تر ټولو ډېر تمرکز پر افغان سوله او په دې برخه کې پر وروستیو پرمختګونو کېږي. همدا راز د درېواړو هېوادونو ترمنځ د اړیکو لا پیاوړتیا هم ددې غونډې مهمه اجنډا ده. دا غونډه داسې مهال جوړېږي چې چین او پاکستان د افغان سولې په برخه کې اغېزناک هېوادونه بلل کېږي، خو افغان حکومت تر دې دمه هم د پاکستان همکاریو او ژمنو ته د شک په سترګه ګوري او په دې باور دی چې پاکستانی لوری له سولې سره رښتینې همکاري نه کوي.