روغتیا سازمان: د افغانستان له روغتیايي سکټور سره همکاریو ته دوام ورکوو

د عامې روغتیا سرپرست وزیر قلندر عباد عمان هېواد ته د یو رسمي سفر په ترڅ کې د روغتیا نړیوال سازمان له مشر تېدروس ادهانوم سره لیدلي. په دې لیدنه کې د روغتیايي خدمتونو په معیاري کولو، د روغتیايي پرسونل په ظرفیت لوړولو او نړیوال روغتیايي سازمان په غونډه کې د افغانستان د ګډون په اړه خبرې شوې دي. د سرچینې د معلوماتو له مخې، په دې لیدنه کې تیدروس ادهانوم ویلي چې دوی به د افغانستان له روغتیايي سکټور سره خپلو همکاریو ته دوام ورکوي. نوموړي دغه راز ژمنه کړې چې د روغتیايي خدمتونو د کتنې لپاره به افغانستان ته سفر کوي.