روغتیا وزارت: هېواد کې د کرونا ۲۱۱ نورې مثبتې پېښې ثبت شوې

روغتیا وزارت وایي چې په تېرو ۲۴ ساعتونو کې د هېواد په بېلابېلو ولایتونو کې د کرونا وبا ۲۱۱ نورې مثبتې پېښې ثبت شوې دي، له دې سره پر یادې ناروغۍ د اخته کسانو شمېر ۴۹ زره او ۴۸۴ ته رسېدلي دي. د یاد وزارت په خبره، په همدې موده کې پر کرونا اخته څلور تنه مړه شوي او ۲۶ نور بیا بېرته روغ شوي دي. د روغتیا وزارت د وروستیو معلوماتو له مخې، تر اوسه په هېواد کې له کرونا وبا د مړه شویو کسانو ټول شمېر یو زر او ۴۴۲ ته او د بېرته رغېدلیو هغه بیا ۳۸ زره او ۴۱۰ ته لوړ شوی دی.