هلمند کې ۲۰۰ بستریز روغتون جوړېږي

د ریاست‌الوزرا اقتصادي معاونیت وایي، چې د ریاست‌الوزرا اقتصادي مرستیال ملا عبدالغني برادر اخوند، په مشرۍ د تدارکاتو کمېسیون په وروستۍ غونډه کې په هلمند کې د ۲۰۰ بستریز روغتون د جوړولو پروژه منظور شوې ده. ویل شوي یاد روغتون به د ۲۱۴ میلیونه افغانیو په لګښت، د شاوخوا دوو کلونو په موده کې جوړ شي. د معلوماتو له مخې، دغه روغتون به په ۱۲ زره متر مربع ځمکه کې جوړیږي. یاد روغتون به د بېړنیو، سراپا، ارتوپیدي، جراحي، سترګو، عقلي او عصبي، ماشومانو او نسایي ولادي برخو کې روغتیايي خدمتونه وړاندې کوي.