پکتیا کې له پاکستانه را قاچاقېدونکي وسلې نیول شوې دي

د پکتیا ولایت سیمه ییزو چارواکو ویلي چې په دغه ولایت کې له پاکستان څخه را قاچاقېدونکې وسلې نیول شوې دي. د یاد ولایت د استخباراتو ریاست ویلي چې د دې ریاست منسوبینو په مرکز ګردېز کې دوه کلاشینکوفونه، ۱۳ تومانچې او یو شمېر نور مهمات نیولي چې له پاکستان څخه په یو ټانکر موټر کې را لېږدېدل. له دې سره جوخت نن د افغانستان ا.ا ویلي چې هغه لسګونه بې اسنادو پاکستاني لارۍ او بار وړونکي موټر یې د ضمانت تر اخيستو وروسته بېرته هغه هېواد ته ورګرځولي دي چې د څو ورځني کمپاين په ترڅ کې یې نيولي وو.