کابل کې د سړک او کوڅو جوړولو ۴پروژې بشپړې شوې دي

د کابل ښاروالۍ په خپله اېکس پاڼه خبر ورکړی، چې د څوارلسمې ناحیې اړوند پغمان سیمه کې یې د ۳۵ میلیونه افغانیو په لګښت د سړک او کوڅو جوړولو ۴پروژې بشپړې او ګټې اخیستنې ته سپارلې دي. د مالوماتو له مخې په ۹م ګذر کې د سړک جوړولو پروژه ٨٨٤ متره اوږدوالى او ۵ متره سور لري، په ١٣م ګذر کې د کوڅې جوړولو پروژه ١١٢٠ متره اوږدوالى او له ٣.٤ څخه تر ٤.٥ مترو پورې سور لري، دغه راز  په ١٤ م ګذر کې د کوڅې جوړولو پروژه ٩٣٠ متره اوږدوالى او ۳ متره سور لري، او د دې ناحیې په ۱۷م ګذرکې بیا د ۱۱۶۷ مترو په اوږدوالي او د ۴ او ۵ مترو په سور سره د سړک او کوڅې جوړول شامل دي. د مسوولینو په خبره دغه پروژې چې په ټولیزه توګه د څه باندې ۳۵ میلیونه افغانیو په لګښت پلې شوې، د رغونې چارې یې د څلورو میاشتو په موده بشپړې شوې دي.