جاپان په کابل کې خپل سفارت بېرته پرانیزي

جاپان په کابل کې خپل سفارت بېرته پرانیزي. د راپورونو له مخې جاپاني ديپلوماتانو په کابل کې د رییس الوزرا له مرستیال سره کتلي او ټینګار یې کړی چې خپل سفارت به بېرته په کابل کې پرانیزي. سرچینې وايي چې په دې لیدنه کې پر دوه اړخیزو اړیکو او ددې اړیکو پر پراختیا هم خبرې شوې دي. جاپاني لوري دغه راز له افغانستان سره د بشردوستانه مرستو ژمنه هم کړې ده. تر دې وړاندې متحده عربي اماراتو خپل سفارت په کابل کې پرانیست او سعودي عربستان هم ژمنه کړې چې خپل سفارت به ډېر ژر بېرته په کابل کې پرانیزي. د ا.ا.ا بیا د سفارتونو پرانیستل کېدو ته په ښه سترګه ګوري او وایي چې دا د رسمیت پېژندل کېدو لپاره غوره ګامونه دي.