رایز ټو پېس: افغانانو د سولې لپاره ستره بیه پرې کړې ده

د رایز ټو پېس په نامه نشریې په افغانستان کې د سولې د روان بهیر په اړه څرګندونې کړې دي. ددغه نشریې په باور افغانانو له کلونو راهیسې د سولې په تمه درنه بیه پرې کړې ده او خونړیو جګړو د ډېرو افغانانو ژوند اخیستی دی. د سرچینې په وینا په تېرو شلو کلونو کې تر سل زره ډېر افغانان د خونړۍ جګړې قرباني شول خو سره له دې هم ټول افغانان سولې ته هیله من دي او د بین الافغاني خبرو هرکلی کوي. په مطلب کې وړاندې راځي د افغانانو ترمنځ د سولې لپاره هیلې ډېرې شوې دي او نړیوالو ته په کار ده چې په افغانستان کې د روانې جګړې د پای ته رسولو او دایمي، سولې، ثبات او پرمختګ لپاره له افغانستان سره خپلو مرستو او همکاریو ته ادامه ورکړي.