اروپايي ټولنې د روسيې او اوکراين د شخړې په پلمه پر یو شمېر چيني شرکتونو بنديزونه لګولي.د چين د بهرنيو چارو وزارت وياند لين جيان د ډسمبر په ۱۷مه نېټه په يوه خبري ناسته کې ويلي، چين تل د هغو يو اړخيزو بنديزونو مخالفت کړی چې د نړيوال قانون هېڅ بنسټ نه لري او د ملګرو ملتونو د امنيت شورا لخوا هم نه دي تصویب شوي . چين د اروپايي ټولنې له خوا پر یو شمېر چيني شرکتونو د بې ځايه بنديزونو په اړه سخته ناخوښي څرګندوي او په کلکه يې مخالفت کوي.
نوموړي زياته کړه، چين د اوکراين مسئلې په اړه د سولې د تامین په موخه خبرو اترو لپاره هڅه کړې، د شخړو اړوندو خواوو ته يې وسلې نه دي ورکړې او د ډرونونو د صادراتو د مديریت او کنټرول لپاره يې په نړۍ کې تر ټولو جدي اقدامات غوره کړي دي. د چيني او روسي شرکتونو تر منځ د عادي تبادلې او همکارۍ بايد اغېزمنې نه شي.
لين جيان وايي، اوسمهال په نړۍ کې د اروپايي هېوادونو او امريکا په شمول زياتره هېوادونه له روسيې سره سوداګرۍ کوي. چين له اروپايي هېوادونو څخه غوښتنه وکړه چې له روسې سره د اقتصادي او سوداګريزې همکارۍ په اړه دوه ګوني معيارونه غوره نه کړي او له دلیل پرته پر چين د تور لګولو او چيني شرکتونو ته زيان رسول پرېږدي.
نوموړي زياته کړه، چين به د چيني تصديو د مشروع حقوقو او ګټو د ساتلو لپاره لازم تدبيرونه ونيسي.