د چين د کمونېست ګوند د مرکزي کمېټې د سياسي بيورو غړي او بهرنيو چارو وزير وانګ يي د جنورۍ په ۱۱مه نېټه له افريقا څخه خپله ليدنه پای ته رسولې ده. د افريقا خبري رسنيو داسي ارزيابي کړې، چې د چين او افريقا تر منځ د ګډو ګټو پر بنسټ دوستانه اړيکې به لا نورې ټينګې شي، چين ژمنه کړې چې د امنیت په برخه کې به له افریقا سره مرسته وکړي او د افريقايي هېوادونو په کورنيو چارو کې له لاسوهنې سره به مخالفت وکړي.
تر اوسه ۳۵ کالونه تېر شوي چې د چین د بهرنیو چارو وزیر د هر کال په پيل کې خپل لومړنی ډيپلوماټيک سفر له افریقا پیلوي.
روان کال د چين او افريقا د همکاريز فورم د تاسيس له ۲۵مې کليزې سره برابر دی او د دغه فورم د بېجينګ سرمشريزې د لاسته راوړنو د عملي کېدو لومړی کال هم دی. په عین حال کې د چين بهرنيو چارو وزير د روان کال په پيل کې له ناميبيا، کانګو،چاد او نايجريا څخه ليدنه وکړه، چې نه يوازې د چين خارجه وزير یاد دود ته يې دوام ورکړی، بلکې د بېجينګ سرمشريزې د لاسته راوړنو د تطبيق هڅه يې کړې.
د سياسي شنونونکو په اند کانګو اوس د چين او افريقا د همکاريز فورم د افريقايي خوا ګډ رئيسه هېواد دی، نايجريا د افريقا تر ټولو لوی اقتصاد دی، ناميبيا له چين سره ژوره عنعنوي دوستي لري. له دغو هېوادونو څخه د چين بهرنيو چارو د وزیر له ليدنې څخه څرګندېږي، چې چين غواړي له افريقا سره نږدې همکارۍ وکړي او په ګډه د عصريتوب د هڅونې لپاره صميميت پاتې شي.
د چين د دولت رئيس شي جين پينګ د تېر کال په سپتمبر کې د چين او افريقا د همکاريز فورم په بېجينګ سرمشريزه کې اعلان کړی، چې چين د افريقا له ټولو سياسي اړيکو لرونکو هېوادونو سره دوه اړخيزې اړيکې د ستراتيژيکو اړيکو کچې ته، له افريقا سره عمومي اړيکې يې په نوې زمانه کې د ټولو فصلونو د ګډ برخليک ټولنې د ابادۍ اړيکو ته لوړ کړی.
په نوي کال کې د چين او افريقا تر منځ د همکارۍ نقشه څنګه عملي شي؟ «د چين او افريقا د همکاريز فورم ــ د بېجينګ عملي پلان (۲۰۲۵م کال ـــ ۲۰۲۷م کال)» څنګه پلی شي؟ دا د پاملرنې وړ ده، چې چين او افريقا په راتلونکو درېيو کلونو کې د دغه فورم د پرمختګ لپاره مهال ويش او نقشه تدوين کړې. د افريقا د يادو څلورو هېوادونو سياستوالو د چين له بهرنيو چارو وزير سره د ليدنې په وخت کې په جلا جلا توګه د افريقا له پرمختګ څخه د چين د ملاتړ ستاينه کړې، له چين سره د همکارۍ په هکله يې نوی اميد هم وړاندې کړی.
ناميبيا غواړي د سوداګرۍ، کرنې او بنسټیزو تاسيساتو د ابادۍ په چارو کې له چين سره همکارۍ پياوړې کړي، چاد د لا زياتو چيني تصديو هرکلی کوي، چې په دغه هېواد کې پانګونه وکړي او لا زيات ښه کرنيز توليدات چيني بازار ته صادر کړي، کانګو هيله لري، چې چين د بنسټيزو تاسيساتو د ابادۍ، د برقي چارو، کرنې او صنعتي کېدو په شمول برخو کې ورسره مرسته وکړي، د نايجريا ولسمشر په ځانګړې توګه د دغه هېواد او چين تر منځ د هراړخيزو ستراتيژيکو دوستانه اړيکو په اړه عمومي مدير ټاکلی، چې له چين سره د همکارۍ مسئوليت لري.
له عمومي لحاظه، امنيت او پرمختګ اوس د افريقايي هېوادونو لپاره تر ټولو مهمه پاملرنه ده. له افريقا سره د چين په لسو دوستانه فعاليتونو کې شپږ له پرمختګ سره تړاو لري. د چين د بهرنيو چارو وزير دا ځل له افريقا څخه د ليدنې په ترڅ کې يو ځل بيا د امنيت او پرمختګ په چارو کې له افريقا سره د همکارۍ يادونه کړې. د بيلګې په توګه چين به په ټینګه له افريقايانو څخه ملاتړ وکړي، چې خپلې مسئلې په خپله حل کړي، د واقعي فعاليتونو له لارې له افريقا سره مرسته وکړي، چې د امنيت پر وړاندې شته خطرونه لرې کړي، غواړي له اړوندو هېوادونو سره همکارۍ وکړي، چې د پاکې انرژۍ، د کانونو د زرغون استخراج، د پولي چارو په شمول ساحو کې د همکاريو بالقوه توان ولټوي، د زرغون پرمختګ لپاره له افريقا سره مرسته وکړي.
چين له افريقا سره همکارۍ پياوړې کوي، چې د ګډو ګټو پر بنسټ د افريقا د پرمختګ لپاره غوښتنو ته ځواب وايي، خو هېڅکله خپلې غوښتنې په افريقا نه تحميلوي. د کانګو ولسمشر ډينيس ساسو نګويسو ويلي، چې له افريقا سره د چين لس دوستانه فعالیتونه د دواړو خواوو د همکارۍ په ټولو ساحو پورې اړه لري، چې د افريقا پر وړاندې د ټولو شته ننګونو د حلولو لپاره به تر سره شي او د افريقا له غوښتنو سره پوره سمون لري، د افريقا پرمختګ او سمسورتيا ته به وافعي ګټې ورسوي.