د داوس شپاړلسم دوبني فورم په وروستيو کې د چين په تيان جين ښار کې تر سره شو. د ويتنام صدراعظم پام مين چين په تېرو درېیو کلونو کې هر ځل په دې فورم کې ګډون کړی، نو په همدې خاطر چیني خبري رسنیو دی د دې فورم مېلمه بللی دی.
ده ویلي، یاد فورم چې اصلي موضوع يې نړيوال اقتصاد ته د یو شمېر متوجه ننګونو پروړاندې په نوې زمانه کې د صنعتګرو د روحيې پياوړتیا ده او دې کار نړيوالې پرمختيا ته فکري حياتي ځواک ورکړی او د ويتنام په شمول بېلا بېلو اقتصادونو ته يې د کار يو مهم ډګر برابر کړی دی. ګډونوالو پکې د اقتصادي پرمختګ نوي امکانات پیدا کړي تر څو له لنډمهاله ننګونو سره مقابله وکړي او اوږدمهاله پرمختګ ومومي.
نړيوال اقتصاد چې اوس يې د بې ثباتۍ عوامل زیات دي، د ژورو او پيچلي بدلونونو په حال کې دی. نړيوال بانک په وروستيو کې د نړيوال اقتصاد لرليد په نوم تازه راپور خپور کړی چې له مخې به يې د نړيوال اقتصاد سږنۍ وړاندوينه د روان کال په جنورۍ کې له ۲،۷ سلنې څخه ۲،۳ سلنې ته راټيټ شي او د ۷۰ سلنې اقتصادونو د اقتصادي پرمختيايي انډول وړاندوينه هم ټيټه شوې ده.سربېره پر دې د ډونالډ ټرمپ حکومت له خوا د تعرفو تګلارې په غوره کېدو سره د سوداګرۍ ساتونکی حالت بيا رامنځته شوی او په ورته وخت کې د فلسطين او اسرائيل ترمنځ، د هند او پاکستان ترمنځ او د اسرائيل او ايران ترمنځ جګړې شوې چې دا ټول ټکي د نړیوال اقتصاد د وړاندوينې د ټيټوالي سبب شوي دي. نو په دې حال کې د داوس سږنی دوبنی فورم ځانګړی اهميت لري. کله چې عنعنوي څو اړخيز ميکانيزم له ننوګونو سره مخ شي، دغه ملکي ډګر د انعطاف منونکې اجنډا او څو اړخيز ميکانيزم د جوړولو له لارې د دغو ننګونو او ستونزو د لرې کولو لپاره نوی فکر رامنځته کوي.
د ((دايمي مېلمه ))په توګه په دې فورم کې د ويتنام صدراعظم پام مين چین ګډون ډېر ارزښت لري. د دې هېواد خبري رسنيو دې ته په اشارې ويلي چې له دې څخه په نړيواله ټولنه کې د فعاله برخه اخيستنې لپاره د هانوی ستراتيژيک انتخاب ښکاري.د کمربند او لارې په اړه فرعې غونډه کې د يوه مهم هېواد په توګه د ويتنام رول د پاملرنې وړ ګرځېدلی دی.دواړه هېوادونه هم دې ته سترګې په لاره کې دي چې په چين کې د چارو د جوړولو د چاپيريال د لرليد په هکله د نظريو د تبادلې له لارې يو له بل څخه د ډيجيټلي اقتصاد د پرمختیايی تجربو زده کړه وکړي او د خپلو هېوادونو نوښتي زمينه هم برابره کړي.
د مصنوعي ځيرکتيا په رهبرۍ سره په څلورمه صنعتي انقلابي څپه کې تخنيکي پرمختګ د سوداګړۍ د ماډل له نوښت سره يو ځای شوی دی. په ياد فورم کې د چين د AI تخنيک په وسيله د پرمختيايي لارو چارو د توضيحاتو او په ځيرکه زمانه کې د برقي موټرو په هکله اجنډاوې هم ټاکل شوې او د اړوندو تخنيکونو په وسيله يې د صنعتي چارو پرمختګ ته ډېر پام اړولی دی. کله چې نویو اقتصادونو د ډيجيټلي تاسيساتو د جوړولو له لارې ډېر پرمختګونه موندلي او د ويتنام الکترونيکي توليدي چارې په ژوره توګه په نړيواله نوښتي شبکه کې شاملې شوې، تخنيکي انقلاب هم عنعنوي اقتصادي منطق بدل کړی دی. د چين د جينګ دونګ شرکت د بنسټګر ليو چيانګ دونګ په شمول چينايي صنعتګرو په دې فورم کې د خپلو چارو پرمختيايي بېلګې وړاندې کړې چې دې کار د پرمختیايي هېوادونو لپاره د زده کړې وړ تجربې برابرې کړې دي.
د اقليمي بدلون او د اکمالاتي ځنځيرونو د تنظيمېدو په شمول د نړیوالو ننګونو پر وړاندې هېڅ اقتصاد نه شي کولی چې له ستونزو څخه لری پاتې شي. په دې فورم کې له اقليمي بدلون سره د مقابلې د راتلونکو ګامونو په اړه اجنډا هم ټاکل شوې چې موخه يې د زرغونې انرژۍ د بدلولو په موخه د نړيوالې همکاريزې شبکې جوړونه ده. کله چې د سينګاپور صدراعظم لاورېس ونګ د اصولو پر بنسټ پر څو اړخيزم سيستم ټینګار کړی، هغه نه يوازې له دې لارې د اسيان هېوادونو د ګډو غوښتنو په اړه نيت ښودلی بلکې له ګډونوالو سره يې د نړیوال اداري سيستم د اصلاحاتو ژور فکرونه شريک کړي دي. نو د داوس دوبنی فورم نه يوازې د اقتصادي موضوعاتو په هکله د بحثونو ډګر دی بلکې د تمدنونو ترمنځ د ډيالوګ زمينه يې هم برابره کړې ده. د سوداګرۍ ساتونکو د زياتېدو په حال کې ورخلاصون او همکارۍ د پرمختیايی ستونزو د لرې کولو طلايي کلي هم ده.