د چين یوه مشهور فکري مرکز په خپل تازه راپور کې ويلي، چې د چین ځانګړتيا لرونکې پولي لار د شي جين پينګ له ۴۰ کلنو هڅو او عملي تجربو سره نږدې تړاو لري.
په دغه راپور کې د چين په فو جیان ولایت کې د رئیس شي جين پينګ له ماموريت، د پولي چارو له اقداماتو او د ملي کچې د پولي ستراتیژۍ تر تطبيق پورې د تيورۍ او عملي پرمختګ د مسير په اړه سیسټماتیکه څېړنه وړاندې شوې ده.
راپور وايي، د نوې زمانې لپاره چيني ځانګړتيا لرونکې پولي لار په سيمې کې د شي جين پينګ له وړاندې شويو مفکورو سره مطابقت لري او هم د نوموړي د پخوانيو عملي تجربو دوام او پرمختګ دی.
د چین ځانګړتيا لرونکې پولي لارې ځانګړتياوې څه دي او له لوېديځ ماډل سره کوم توپيرونه لري؟
په دغې ليکنې کې همدغې او ځينو نورو پوښتنو ته د ځواب هڅه شوې ده.
د پانګې ماشين يا د خلکو د ګټو لپاره خدمت، د پولي چارو طبيعت څه دی؟
د لوېديځو هېوادونو پولي چارې پر داسې مفکورې ((د مساهمينو ګټې لومړيتوب لري)) ولاړې دي او اصلي بڼه يې د امتيازي طبقې د پانګې ماشين بلل کېږي.
د چين ځانګړتيا لرونکو پولي چارو (( د خلکو د ګټو لپاره خدمت)) اصلي بڼه بیا د لوېديځو هېوادونو د يادې لارې خلاف ده او دغه مفکوره له ۱۹۸۵م کال څخه تر ۲۰۰۲م کال پورې د فو جيان ولايت په مختلفو سيمو کې د شي جين پينګ د ماموريت پرمهال رامنځته شوې ده.
کله چې شي جين پينګ د فو جیان ولايت په نينګ ده ښار کې کار کاوه، نو د بڼوالانو او ټېکدارانو دغه وضعيت ته يې ډېره پاملرنه واړوله، ځکه د ځنګلونو د نيالګيو د ودې بهير ۲۰ – ۳۰ کلونو ته اړتيا لري، نو په دغه موده کې د ځنګلي فارمونو د ټېکدارانو د ژوند سرچېنه څه کېدای شي او څنګه د پانګې مسئلې او هم د پیسو مسله حلولی شي؟
شي جين پينګ يو نوښت وکړ او يو داسې تدبیر یې غوره کړ، چې له مخې يې ټېکدار/بڼوال مخ پر ودې ونې او ځنګلونه ګرو کولی او له بانکونو څخه پورونه اخيستلی شي.
نوموړي په همدغه تدبیر د بڼوالانو او ټېکدارانو ستونزې حل کړې او نن ورځ په نینګده کې د ځنګلونو د پوښښ انډول ۷۱.۹۷٪ ته رسېدلی دی.
د پيسو لوبه يا د حقيقي اقتصاد لپاره خدمت، د پولي چارو اصلي دنده څه ده؟
شي جين پينګ په دې اند دی، چې “اقتصاد د بدن او پولي چارې بیا د وينې رول لوبوي او یو بل سره په ګډه پایيدلی او وده کوي.”
د نوموړي دغه نظر د اقتصاد او پولي چارو نږدې اړيکې روښانه کړي او د لوېديځو پولي چارو په توپير يې د چيني ځانګړتيا لرونکو پولي چارو يوه بله ځانګړتيا په ډاګه کړې، چې اصلي دنده يې د حقيقي اقتصاد لپاره خدمت دی.
د فو جیان ولايت مرکز فو جو ښار د تېرې پېړۍ د ۹۰مې لسیزې په پيل کې د چټک اقتصادي پرمختګ پړاو ته داخل شو، خو هغه مهال د دغه ښار د مینجانګ سیند په اوږدو کې یوازې دوه پلونه لرل، چې د سیمې د چټک اقتصادي پرمختګ لپاره پوره نه وو. نو د چين د خلکو بانک د فوجو فرعي څانګې او نورو ۸ پولي ارګانونو د شي جين پينګ د لارښوونې او هڅونې په رڼا کې د پورونو ډله جوړه کړه او د نويو پلونو د جوړولو لپاره يې د پیسو د راغونډولو چارې پيل کړې.
څه موده وروسته، په فو جيان ولایت کې د چټکو سړکونو، تونلونو او د اوبو برېښناکوټونو په شمول لويې پروژې بشپړې شوې او د ځايي خلکو د ژوند په ښه والي او اقتصايي پرمختګ کې يې مهم رول ولوباوه.
دغه نوښت د حقيقي اقتصاد د پولي چارو د خدمت د مفکورې سرچېنه بلل کېږي.
په فو جيان ولايت کې د شي جين پينګ اقدامات د چيني ځانګړتيا لرونکې پولي لارې لپاره د اوبو د چېنې رول لري.
چين نړۍ ته د پولي پرمختګ داسې نوی ماډل برابر کړی، چې هم د خپل وضعيت پر اساس ولاړ او هم نړيوال لرليد لري.